Draumaveröld barna og Vigga

Dagurinn er runninn upp, það er engin smá spenningur í gangi. Við erum á leiðinni í „Dreamworld“ og „White Water World“ sem eru skemmtigarðar hér á gullnu ströndinni. Það er um margt að velja enn þessi garður varð ofaná því að það er bæði hægt að fara í tæki (fyrir adrenalínfíkla), skoða alls konar dýr, þó mest allt Áströlsk og svo síðast en ekki síst þá er hægt að fara í hinar ýmsu vatnsrennibrautir....fyrir byrjendur sem lengra komna.

Við Ásgeir Snær erum bara í Svampi Sveinssyni en Viðar og Viggi drifu sig í sýlóið og rennibraut sem nefnist Rest in peace RIP. Hér eru líka alls konar hryllingstæki, sem snúast á ljóshraða og þjóta upp og niður á hljóðhraða.

Hver hefur eiginlega gaman af slíku? Jú ég þekki nokkra, þar á meðal er stóra barnið sem situr nú heima og óskar sennilega eftir að geta verið með okkur í þessum garði. Theodór, það eru sko tæki fyrir þig hér. Viðar og Ásgeir fóru líka á brimbrettanámskeið og má sjá afraksturinn hér.

Allir erum með vörn 50 þar sem sólin skín alveg til klukkan 5.10 en þá er sólsetur. Já, það er orðið niðamyrkur hér korter yfir fimm á daginn.
Smá fróðleikur fyrir þá sem finnst gaman af tölum :-) það eru 26.500 kílómetra akstur hringinn í kringum Ástralíu á þjóðvegi 1. Og það eru 34 þúsund kílómetrar sem þið þurfið að leggja á ykkur ef þið viljið sigla í kringum Ástralíu. Þeir sem hafa áhuga hafið samband við okkur þegar við komum heim því við viljum endilega slást í för með ykkur.

Á morgun verðum við komin til Sidney...vonandi er betri Internet tenging þar....hér á maður greinilega bara að njóta veðursins og hvíta sandsins.