Ástrallalía......hér komum við

Við erum komin út á flugvöll, eini staðurinn í Singapore sem er almennilega loftkældur, þvílíkur hiti, það er spurning um að fara í smá hönnunvinnu og hanna svitabelti um mittið og jafnvel nærbuxur með svitabandi í náranum. Það er komið að innritun, á skiltinu stendur Darvin/ Cairns, við erum sem sagt að fá viðbót við ferðina því að Darvin var ekki á upphaflega planinu. Í loftið förum við ......

......og lent í Darvin, þetta er frekar lítil borg á norðurströnd Ástralíu. Vinsæll viðkomustaður fyrir túrista. Því miður náðust engar myndir af salernisaðstöðu í Darvin, hjá okkur er mið nótt...klukkan er 4. Eftir rúmlega klukkutíma stopp er haldið af stað til Cairns......

......og við erum komin á áfangastað. Yndislegt að vera með allt svona vel skipulagt, eldri maður bíður brosandi eftir okkur með nöfnin okkar á spjaldi. Kemur töskunum fyrir í bílinn og brunar í átt að hótelinu. Hver skipulagði þetta eigninlega?????

Tollgæslan er mjög virk hérna í Ástralíu, þeir eru svo sannarlega ekki með sömu vandamál og tollgæslan á Íslandi. Hér er verið að kanna hvort við séum nokkuð með matvörur (hvaða nafni sem þær nefnast, þar með talin flugvélamatur – það eru ekki allir þjóðverjar, ha), minjagripur úr timbri eða náttúrulegar jurtir notaðir í lækningaskini (eru fíkniefni ekki einmitt notuð í því skini, til að lækna eitthvað). Sem betur fer var Sigga frænka búin að nefna við okkur að súkkulaði og annað sælgæti flokkaðist undir matvöru, og því merkti ég við að við bærum matvöru inní landið. Töskurnar voru síðan skannaðar fram og til að staðfesta að við værum með það sem við segðumst vera með. Reyndar var Viggi kallaður til hliðar af útlendingaeftirlitinu og þurfti að sanna að hann ætlaði úr landi aftur. Þeir voru greinilega eitthvað pínu hræddir við að hann myndi setjast að, hahahhah.

Loksins, loksins komin inná hótel, þetta er hótelsvæði þar sem vatn og heilsulindir eru allsráðandi. Veitir ekki af fyrir þreytta sveitavarga frá Íslandi. Dagurinn mun nýtast í hvíld, því að við höfum frekar lítið sofið undanfarinn sólarhring. Á morgun er síðan stefnan tekin á rifin „great barrier reaf“ þar sem við förum í snorkl við rifin og notum svo restina af deginum til að skoða sandeyjarnar fyrir utan Cairns.
Cheers !

p.s. til upplýsinga fyrir ykkur þá er 10 tímamismunur