Rússibanareið

Ég hef ekki tölu á fjölda rússibanaferða sem karlpeningurinn hefur farið í síðustu daga, en ég get sagt ykkur að vegalengdin sem þeir hafa nú þegar farið samsvara vegalengdinni á milli Reykjavíkur og Akureyrar. Við vorum með aðgang að þremur görðum, Sea World, Aquatica og Bush gardens og voru rússibanar í þeim öllum. Eins og þið vitið þá hef ég engan sérstakan áhuga á að láta hræða úr mér líftóruna í þessum tækjum og hef því haft það hlutverk að passa töskurnar, gleraugun, símana og annað lauslegt fyrir fjölskyldumeðlimina.

Það kom að sjálfsögðu fyrir að aðrir í hópnum væru með "höfuðverk" og höfðu því "löglega" afsökun fyrir að fara ekki í tækin..........og að sjálfsögðu urðum við að hafa einhvern á videóvélinni til að festa ferðirnar á filmu

Þó svo að við höfum stundaðað adrenalíngarðanna grimmt þá höfum við líka farið í keilu og minigolf . Ekki er hægt að segja annað en skemmtilegir og áhugaverðir skotstílar hafi sést á brautunum og má nefna þennan hér fyrir neðan en hann nefnist "kúkað á brautina"

Nokkur góð fögn festust líka á filmunni

og sumir hreinlega stukku út úr rammanum

Einnig sáumst ótrúlega góð tilþrif á golfvellinum, þrisvar sinnum náði hópurinn að fara holu í höggi, en það vildi svo óheppilega til að það náðist ekki á filmu en ég segi ykkur það satt þetta voru holur í höggi